Սուրբ Յովհաննէս Պօղոս Բ եւ Սրբուհի Ճաննա Պերեթթա Մոլլա նշանակուած են պաշտպան սուրբերը
Ընտանիքի համաշխարհային 8-րդ հաւաքին։
22-27 Սեպտեմբեր 2015ին, ԱՄՆի ֆիլատելֆիա քաղաքին մէջ կայանալիք Ընտանիքի համաշխարհային
8-րդ հաւաքին համար, պաշտպան սուրբ նշանակուած են. Սուրբ Յովհաննէս Պօղոս Բ եւ Սրբուհի
Ճաննա Պերեթթա Մոլլա։ ''Այս երկու սուրբերը իրենց երկրաւոր կեանքին ընթացքին մշտատեւ
սիրած են եւ աշխատած են ընտանիքին ի սպաս'', յայտարարած է գերապայծառ Շարլ Շափութ` առաջնորդը
ֆիլատելֆիայի թեմին։ Յայտնենք որ Յովհաննէս Պօղոս Բ-ի նախաձեռնութեամբ է որ սկիզբ առաւ
ընտանիքի համաշախարհային հաւաքը 1994 թուականին։ Իր քահանայապետութեան ընթացքին Ան չորս
անգամ գլխաւորած է ընտանիքի համաշխարհային հաւաքը։