Ռուսիան կը շարունակէ համալրել իր ուժերը Ուքրանիոյ հետ սահմանին վրայ:
Ուքրանական «Եունիըն»` վկայակոչելով Ուքրանիոյ Ազգային անվտանգութեան եւ պաշտպանութեան
խորհուրդի յայտարարութիւնը, կը հաղորդէ, որ Ռուսիան կը շարունակէ համալրել իր ուժերը
Ուքրանիոյ հետ սահմանին վրայ: Ուքրանիոյ Ազգային անվտանգութեան խորհուրդէն նաեւ յայտնած
են, որ Ռուսիոյ կողմէ կը հաւաքուին նաեւ սպառազինութիւն եւ զինուորներ, որոնք կարգի կը
բերեն իրենց տեղակայման վայրերը: Շաբաթ գիշերուան դրութեամբ Ռուսիոյ կողմէ Ուքրանիոյ
սահմանի խզման դէպքերուն մասին տեղեկութիւններ չկան: Սակայն կառոյցէն կը յայտնեն, որ
Ռուսիան պատրաստ է հրետանիով սատարելու անջատողականներուն: Միեւնոյն ժամանակ Ուքրանիոյ
կանոնաւոր բանակը գործողութիւն կը կատարէ Կորլովքայի շրջանին մէջ: Առայժմ անոնք յաջողած
են շուրջ քսան ռուսամէտ զինեալներ սպաննել: