Францішак наведае
ў верасні 2015 г. Злучаныя Штаты, паведаміў арцыбіскуп Філадэльфіі Чарльз Чапут. “Святы
Айцец прыняў наша запрашэнне і будзе ўдзельнічаць у свяце сем’яў”, - сказаў іерарх
з радасцю. Ужо раней ён заахвочваў Папу прыняць удзел у VIII Сусветнай сустрэчы сем’яў,
якая адбудзецца ў Філадэльфіі 22-25 верасня 2015 г. на тэму “Сям’я, сцеражы стварэння”.
Кіраўнік Залы Друку Апостальскай Сталіцы, кс. Фэдэрыка Ламбардзі, сказаў, што пакуль
няма афіцыйнага пацвярджэння ўдзелу Францішка ў форуме. “Папа выказаў сваю гатоўнасць
прыняць удзел у сустрэчы сем’яў, на дадзены момант, аднак, не рэалізаваны ніводзін
з праектаў, якія датычаць падарожжа ў ЗША і Мексіку”, - сказаў святар, якога папрасілі
ўдакладніць інфармацыю амерыканскага іерарха. У той жа час, ён звярнуў увагу, што
да спаткання ў Філадэльфіі яшчэ больш за год.