Սերժ Սարգսեան շնորհաւորեց եւրոպական յանձնաժողովի նոր նախագահը
Հայաստանի նախագահ Սերժ Սարգսեան շնորհաւորական ուղերձ մը յղեց Ժան Քլոտ Եունքերին`
Եւրոպական յանձնաժողովի նախագահի պաշտօնին ընտրուելու առիթով: Նախագահ Սերժ Սարգսեան
իր ուղերձին մէջ յոյս յայտնեց, որ Ժան Քլոտ Եունքերի պաշտօնավարութեան ընթացքին Եւրոպական
յանձնաժողովին հետ Հայաստանի արդիւնաւէտ գործակցութիւնը պիտի շարունակէ զարգանալ եւ
խորանալ` բանալով փոխշահաւէտ համագործակցութեան նոր հեռանկարներ: «Եւրոպական Միութեան
հետ համագործակցութիւնը մեծապէս նպաստած է Հայաստանի մէջ արդիւնաւէտ կառավարման, ժողովրդավարութեան,
մարդկային իրաւունքներու, օրէնքի գերակայութեան եւ այլ մարզերու մէջ բարեփոխումներու
իրականացման, զորս մենք մեծապէս կը գնահատենք», Եւրոպական յանձնաժողովի նորընտիր նախագահին
գրած է Հայաստանի նախագահը: