E diela e Detit: mesazh i Këshillit Papnor për Emigrantët dhe Endacakët
Sot është e diela e dytë e korrikut, që i kushtohet detit dhe njerëzve të tij. Me
këtë rast, Këshilli Papnor për Emigrantët dhe Endacakët ka bërë të ditur një mesazh,
ku uron që “bashkësitë e krishtera dhe shoqëria në përgjithësi, t’i shohin njerëzit
e detit si persona që kontribuojnë, duke e bërë jetën tonë më të rehatshme, si edhe
t’i falenderojnë për punën e sakrificat e tyre”. Kjo festë, lexohet në tekst, ka edhe
rëndësi ekumenike, sepse në shumë porte, kremtimet e veprimtaritë e sensibilizimit
për gjendjen e detarëve bëhen së bashku me konfesionet e tjera të krishtera, duke
dhënë kështu dëshminë e unitetit në mbrojtjen e të drejtave të këtyre njerëzve.