Японскі дыпламат пра гармонію і супрацоўніцтва паміж Ватыканам і Японіяй
Былы пасол Японіі
пры Святым Пасадзе Кагэфумі Уэна падкрэсліў гармонію і супрацоўніцтва ў адносінах
паміж гэтай азіяцкай краінай і Святым Пасадам, асабліва ў адносінах да ўмацавання
міру ва ўсім свеце. Яго артыкул у “The Japan Times” прысвечаны разважанню над патэнцыйным
візітам папы Францішка ў Японію. Дыпламат прадстаўляў сваю краіну ў Ватыкане ў 2006-2010
гг. Прафесар Уэна, будыст, у цяперашні час выкладае культуралогію ў адным з універсітэтаў
Токіа. Ён падкрэсліў, што Японія да гэтага часу мае самую мірную канстытуцыю ў свеце,
хоць цяперашні ўрад і спрабуе ўнесці ў яе папраўкі. Іншымі тэмамі для супрацоўніцтва
з’яўляюцца “глабальныя праблемы беднасці, правоў чалавека, раззбраення, адмовы ад
ядзернай зброі, абароны навакольнага асяроддзя, барацьбы з карупцыяй, тэрарызмам”,
вызначыў Уэна. Ён піша, што і Ватыкан, і Японія ў сваіх заявах спрабуюць даваць “асцярожныя
і збалансаваныя каментарыі”.
Таксама дыпламат нагадаў, што цяперашні Папа некалі
марыў паехаць у Японію ў якасці місіянера. Ён быў выхаваны ў Ордэне езуітаў, які глыбока
ўкараніўся ў Азіі. Менавіта гэта манаская супольнасць дала двух выдатных місіянераў,
якія ў XVI ст. значна прычыніліся да інкультурацыі хрысціянства на Далёкім Усходзе:
Матэа Рычы ў Кітаі і Алесандра Валіньяна ў Японіі. У гэтай краіне таксама шмат гадоў
працаваў папярэдні генеральны настаяцель Ордэна езуітаў Пэдра Арупэ і цяперашні, Адольфа
Нікалас, нагадаў былы пасол Японіі пры Святым Пасадзе.