У Ватыкане размаўляюць пра агульнае дабро і інклюзіўную эканоміку
У Ватыкане пачаўся
міжнародны семінар на тэму глабальнага агульнага дабра і інклюзіўнай эканомікі. Яго
падрыхтавала Папская рада “Iustitia et Pax” у супрацоўніцтве з Сусветным банкам, Арганізацыяй
эканамічнага супрацоўніцтва і развіцця і ўстановамі ААН, якія займаюцца сацыяльна-эканамічнымі
пытаннямі. Падставай для прац будзе навучанне папы Францішка, які часта звяртаецца
да пытання агульнага дабра і патрэбы ў эканамічнай сістэме, якая будзе інтэграваць
у сябе ўсіх людзей. “Голас Папы ўсё больш слухаюць, бо ён упісваецца ў чалавечыя патрэбы,
у чаканні народаў і ўсёй чалавечай сям’і”, - сказаў біскуп Марыа Тоза, сакратар Папскай
рады “Iustitia et Pax”. Гэта тычыцца не толькі эканомікі, але і пытанняў міру і ўстойлівага
развіцця, дадаў ён і падкрэсліў, што такія форумы пакліканы ўнесці ўклад у фарміраванне
новага пакалення людзей, якія возьмуць на сябе адказнасць за эканамічную, сацыяльную
і палітычную будучыню народаў.