Եւրոպական յանձնաժողովի ընտրուած նախագահը պատրաստ է Եւրոպական Միութեան մէջ Բրիտանիոյ
համար յատուկ պայմաններ ստեղծելու
ԻԹԱՐ-ԹԱՍՍ կը հաղորդէ, որ Եւրոպական յանձնաժողովի նախագահի պաշտօնի թեկնածու Ժան-Քլոտ
Եունքեր յայտարարած է, որ պիտի կարենայ Բրիտանիոյ վերադարձնել ազգային խորհրդարանի լիազօրութիւններուն
մէկ մասը, որոնք նախապէս փոխանցուած են Եւրոպական Միութեան բարձրագոյն մարմիններուն: Եւրոպական
խորհրդարանի երեսփոխաններու խումբի մը հետ տեղի ունեցած գաղտնի խորհրդակցութիւններուն
ընթացքին Եունքեր յայտարարած է «Լոնտոնի հետ լիազօրութիւններու մէկ մասը վերադարձնելու
վերաբերեալ բանակցութիւններու սկսելու» պատրաստակամութեան մասին: «Բրիտանիան չափազանց
կարեւոր է Եւրոպական Միութեան համար, ես չեմ ուզեր, որ Լոնտոն դուրս գայ Եւրոպական Միութենէն»,
ընդգծած է ան: Անցեալ ամիս Եւրոպական Միութեան վեհաժողովին ընթացքին Լիւքսամպուրկի
նախկին վարչապետ Ժան-Քլոտ Եունքեր ձայներու մեծամասնութեամբ ընտրուած է Եւրոպական յանձնաժողովի
նախագահի պաշտօնի թեկնածու: Դէմ քուէարկած են Բրիտանիան եւ Հունգարիան: Լոնտոնի բացասական
դիրքորոշումը Եունքերի թեկնածութեան նկատմամբ կը բացատրուի ներկայ վարչապետ Տէյվիտ Քամերոնի
մտահոգութիւններով. վերջինս Եունքերը կը նկատէ դաշնակցային մը եւ Եւրոպական Միութեան
հետագայ համարկման աջակից մը