Чакаецца выданне трох юбілейных серый ватыканскіх паштовых знакаў
Ватыканскі філатэлістычна-нумізматычны
аддзел адзначыць некалькі значных дат у сусветнай гісторыі выхадам 28 жніўня 2014
г. серыі паштовых марак, гаворыцца ў спецыяльным паведамленні гэтай ватыканскай структуры,
апублікаваным 10 ліпеня 2014 г. Свет убачыць філатэлістычная серыя, выхад якой прымеркаваны
да 350-годдзя Сінода ў Аюттхая, першай такога роду асамблеі Каталіцкага Касцёла ў
Тайландзе і ў Азіі, на якой быў прыняты шэраг гістарычных рашэнняў. Выданне паштовых
знакаў будзе ажыццяўляцца ў супрацоўніцтве з тайландскім бокам.
Дзве чарговыя
філатэлістычная серыі будуць прысвечаны тэматыцы, так ці інакш звязанай з Германіяй.
Яны адзначаць 25-годдзе падзення Берлінскай сцяны і 150-годдзе з дня нараджэння кампазітара
Рыхарда Штраўса.