Прэфектура эканамічных спраў выявіла выпадак фінансавага злоўжывання
Прэфектура эканамічных
спраў Апостальскай Сталіцы ў рамках сваёй кантрольнай дзейнасці выявіла сур’ёзныя
фінансавыя злоўжыванні з боку эканома рымскай базылікі Санта Марыя Маджорэ кс. Браніслава
Мараўца. Аб гэтым быў адразу паінфармаваны арцыпрэзбітэр базылікі кардынал Сантас
Абрыль-і-Кастэльё. Пасля кансультацыі з ім адбылася больш дакладная інспекцыя, якая
дала падставы да вынясення абвінавачання.
Пасяджэнне ватыканскага трыбуналу
ў гэтай справе адбылося 5 ліпеня 2014 г., але гэта толькі пачатак працэсу, сказаў
кіраўнік Залы Друку Святога Пасаду кс. Фэдэрыка Ламбардзі. Адбудуцца чарговыя пасяджэнні,
але цяжка сказаць, калі, бо з’явілася патрэба ў далейшых дэталях, дадаў святар. Польскі
святар абвінавачваецца ў сур’ёзных злоўжываннях, у тым ліку ў незаконным прысваенні
грошай, фінансавых парушэннях і безгаспадарчасці.
Кіпітула базылікі Санта Марыя
Маджорэ, членам якой з’яўляецца кс. Маравец, ужо звольніла яго з пасады эканома.