Аб завяршэнні першага
этапу запланаваных рэформ і змене парадку працы паінфармаваў 8 ліпеня 2014 г. Інстытут
рэлігійных спраў, паўсюдна вядомы пад назвай “Ватыканскі банк”. Падчас першага этапу
былі правераны ўсе рахункі. Да 30 чэрвеня 2014 г. былі заблакаваны 1329 індывідуальных
і 762 інстытуцыйных рахункаў. Установа таксама вырашыла скончыць каля 3 тыс. банкаўскіх
адносін, якія не адпавядаюць устаноўленым крытэрыям. На 30 чэрвеня ў Ватыканскага
банку было 15495 кліентаў. Уклады, зробленыя ў ім, складалі 6 млрд. еўра.
Інстытут
рэлігійных спраў абвясціў на 9 ліпеня брыфінг у прэс-цэнтры Апостальскай Сталіцы,
на якім будзе прадстаўлена новая Назіральная рада і прэзентаваны другі этап рэформ
установы, які будзе праходзіць пад новым кіраўніцтвам, у кантэксце больш шырокай рэформы
эканамічных і адміністрацыйных структур Святога Пасаду.
У цяперашні час Інстытут
абслугоўвае толькі каталіцкія ўстановы, духавенства, ватыканскіх работнікаў і пенсіянераў,
а таксама паслоў і дыпламатаў, акрэдытаваных пры Апостальскай Сталіцы.
У мінулым
годзе сур’ёзна ўпаў чысты даходы Ватыканскага банка з 86,6 млн. да 2,9 млн. еўра.
Як падкрэсліваецца, гэта было звязана з неабходнасцю перагляду і выпраўлення памылковых
інвестыцый з мінулага. Акрамя таго, Ватыканскі банк прызначыў 54 млн. еўра ў якасці
свайго ўнёску ў бюджэт Святога Пасаду.