Давяраць сіле Божага
прабачэння і намагацца змяніць сябе заклікаў Пантыфік зняволеных турмы у Ізэрніі 5
ліпеня 2014 г. падчас свайго візіту ў італьянскі рэгіён Малізэ. Папа запрасіў іх паслядоўна
прыкладаць намаганні для ўключэння ў грамадскае жыццё. Ён падкрэсліў, што Бог заўсёды
міласэрны Айцец і любіць нас. Калі мы Яго шукаем, заўсёды прымае нас і даруе нам не
пакладаючы рук, падымае нас і цалкам аднаўляе нашу годнасць. Бог ніколі не забывае
пра нас, сказаў папа Францішак. Ён нагадаў словы з кнігі прарока Ісаі, што нават калі
маці забылася пра сваё дзіця, што амаль немагчыма, Бог ніколі не забудзецца пра нас.
Святы Айцец заклікаў зняволеных, каб жылі з гэтай надзеяй, якая ніколі не расчароўвае.