«Սուրիոյ հարցով բանակցութիւնները պիտի չվերսկսին, մինչեւ նոր միջնորդի մը նշանակումը»
կ՛ըսէ Կաթիլով
«ՌԻԱ Նովոսթի» կը հաղորդէ, որ Ռուսիոյ արտաքին գործոց փոխնախարար Կենատի Կաթիլով յայտարարած
է, որ ՄԱԿ-ի ընդհանուր քարտուղար Պան Քի Մուն քանի մը թեկնածուներ նկատի ունի Սուրիոյ
հարցով ՄԱԿ-ի եւ Արաբական լիկայի յատուկ պատուիրակի պաշտօնին համար, իսկ մինչեւ նոր միջնորդի
նշանակումը Սուրիոյ կառավարութեան եւ ընդդիմութեան միջեւ բանակցութիւնները պիտի չսկսին:«Ընդհանուր քարտուղարը տակաւին չէ կողմնորոշուած Իպրահիմիին յաջորդելիք թեկնածուի հարցին մէջ: Մենք անոր կը յորդորենք ատիկա կարելի եղածին չափ շուտ ընել` մեկնելով բանակցային հոլովոյթին մէջ երկարատեւ դադար չարտօնելու անհրաժեշտութենէն», յայտնած է Կաթիլով:
| All the contents on this site are copyrighted ©. |