Հայաստան Եւրասիական Միութեան անդամ պիտի դառնայ մօտիկ ապագային։
ԵՐԵՒԱՆ, «Թերթ».- Ռուսիոյ նախագահ Վլատիմիր Փութին Երեքշաբթի, Յուլիս 1ին յոյս յայտնած
է, որ Հայաստան Եւրասիական տնտեսական միութեան անդամ պիտի դառնայ ամենամօտիկ ապագային: Ըստ
«Իթար-Թասս» լրատու գործակալութեան՝ Փութին այս յայտարարութիւնը կատարած է Ռուսիոյ արտաքին
գործոց նախարարութեան մօտ՝ դեսպաններու եւ մնայուն ներկայացուցիչներու հետ իր հանդիպման
ընթացքին: Հանդիպման հիմնական նիւթը Ռուսիոյ ազգային շահերու պաշտպանութիւնը եղած է: Յիշեցնենք,
որ Յունիս 30ին, Փութին ստորագրած էր դէպի Հայաստան բնական կազ, քարիւղ եւ չմշակուած
բնական ադամանդներ արտահանելու ոլորտին մէջ համագործակցութեան համաձայնագիրը, ըստ որուն՝
Ռուսիայէն Հայաստան արտածուող նման ապրանքներու վրայ տուրքեր պիտի չըլլան: