Յուլիս մէկին սկիզբ առաւ Կարտինալներու Ութեակ խորհուրդի հինգերորդ ժողովը Վատիկանի մէջ։

1 – 4 Յուլիս 2014, Ֆրանչիսկոս Քահանայապետի կողմէ հաստատուած` կարտինալական ութեակ խորհուրդը, Ֆրանչիսկոս Քահանայապետի մասնակցութեամբ, գումարած է իր հինգերորդ նիստը Վատիկանի մէջ։
Յայտնենք որ վերոյիշեալ ''կարտինալական ութեակ խորհուրդը'' նշանակուած է Ֆրանչիսկոս Քահանայապետի կողմէ, անցեալ 13 ապրիլ 2013-ին, որպէս ` Սրբազան Քահանայապետին, Եկեղեցւոյ կառավարութեան հայող հարցերու անձնական խորհրդատուներ։
Խորհուրդին մասն կը կազմեն Կարտինալ Ճուզեփփէ Պերթելլոն, Կարտինալ Ֆրանսիսքօ Խավիէ Էրրազուրիս Օսսա, Կարտինալ Օսվալտ Կարսիաս Ռէյնարտ Մարքս, Կարտինալ Լորան Մոնսէնկօ Փազինիա, Կարտինալ Սին Փաթրիք Օ Մալլէյ, Կարտինալ Ժորժ Փել, Կարտինալ Ռոտրիկէզ Մարատիակա, մինչ խորհուրդին քարտուղարի պաշտօնը յանձնուած է Ալպանօ թեմի եպիսկոպոս` գերապայծառ Մարչելլօ Սեմերարոյին։
Նշենք նաեւ թէ Նորին Սրբութիւնը անցեալ 28 սեպտեմբեր 2013-ին, '' Pastor bonus - Բարի Հովիւ'' Առաքելական Սահմանադրութեան վերատեսութեան հայող հրատարկած իր ձեռագիր նամակին մէջ, ''Կարտինալական Ութեակ Խորհուրդի'' ստեղծումը հաստատելով, յայտնեց թէ անոր պարտականութիւնն է ''ինծի օգնել, Տիեզերական Եկեղեցիի Կառավարման, եւ ուսումնասիրել ''Բարի Հովիւ'' Առաքելական Սահմանադրութեան վերատեսութիւնը''։
Կարտինալական ութեակ խորհուրդի նախորդ նիստերը տեղի ունեցած էին միշտ Վատիկանի մէջ, 1 – 3 Հոկտեմբեր 2013, 3 – 5 դեկտեմբեր 2013, 17-19 փետրուր 2014 եւ 27 – 30 ապրիլ 2014։