Патрыярх Канстантынопальскі
Барталамей I накіраваў прывітанне папе Францішку да ўрачыстасці святых Пятра і Паўла.
У лісце, апублікаваным 30 чэрвеня 2014 г. Святым Пасадам, праваслаўны іерарх запэўніў,
што памяць аб сустрэчы з Францішкам ў канцы мая 2014 г. у Іерусаліме і супольная малітва
ў нядзелю Пяцідзесятніцы ў Ватыкане за мір з’яўляецца для яго каштоўным скарбам. Гэтыя
сустрэчы аднавілі і замацавалі братэрскія сувязі паміж ім і Папам. У лісце Патрыярх
заклікае працягваць ісці па шляху экуменізму да поўных зносін паміж Цэрквамі.
У
мінулую нядзелю на ўрачыстай Эўхарыстыі, якую ў базыліцы св. Пятра цэлебраваў папа
Францішак, прысутнічала дэлегацыя Канстантынопальскага Патрыярхата.
З асабліва
глыбокімі эмоцыямі Патрыярх Барталамей І узгадвае ў лісце да Пантыфіка супольную малітву
за мір на Блізкім Усходзе з прэзідэнтам Ізраіля Шымонам Перэсам і кіраўніком Палестынскай
нацыянальнай адміністрацыі Махмудам Абасам. Ён падзякаваў Францішку за гэту ініцыятыву
і паабяцаў сваю малітву за яго, каб Бог даў яму доўгія гады пантыфікату на карысць
сучаснага свету.