Meshët në Shën Martë ndërpriten në korrik e gusht, audiencat e përgjithshme, vetëm në korrik

Jemi mësuar ta nisim programin me homelitë e Papës, gjatë Meshës së përditshme, kremtuar në Shtëpinë e Shën Martës.
Por sot është 1 korrik. Nis me këtë datë, ndërprerja e meshëve papnore, për të vijuar deri në fund të gushtit; ndërsa audiencat e përgjithshme, do të ndërpriten për gjithë muajin e korrikut. Këto janë ndryshimet e veprimtarisë së Papës gjatë periudhës verore.
Meshët e mëngjesit do të rifillojnë në muajin shtator, ndërsa audiencat e përgjithshme do të mbahen rregullisht gjatë gushtit, në Vatikan, respektivisht në datat 6, 20 e 27 gusht. Audienca e datës 13 nuk do të mbahet, sepse këtë ditë Papa do të jetë në Korenë e Jugut, për takimin me të rinjtë aziatikë.
Asnjë ndryshim për lutjen e Engjëllit të Tënzot, që Papa do të vijojë ta kryesojë gjatë gjithë verës, në Vatikan, çdo të diel, përveç Solemnitetit të të Ngjiturit të Zojës në Qiell dhe të dielën, më 17 gusht, sepse do të jetë në një shtegtim apostolik, që do të përfundojë një ditë më pas.