''Մարտ 8-ի եւ Մարտ 14-ի ուժերուն միջեւ քաղաքական երկփեղկումը ճեղք մը յառաջացուցած
Է երկրին մէջ'' շեշտեց Ռայի Պատրիարքը։
Մարոնի համայնքի Պշարա Ռայի պատրիարքը, կիրակի 29 յունիսին, Ժիպէյլի Ս. Աստուածածին եկեղեցւոյ
օծման արարողութեան ընթացքին յայտնեց, որ այսօր Լիբանան քաղաքական մակարդակի վրայ Մարտ
8-ի եւ Մարտ 14-ի ուժերուն միջեւ երկփեղկումի մթնոլորտը կ՛ապրի, «եւ այդ երկփեղկումը
ճեղք մը յառաջացուցած է նաեւ երկրին մէջ եւ պատճառած նախագահական թափուր աթոռ մը»: Ռայի
պատրիարքը աղօթեց եւ մաղթեց, որ Լիբանան կարենայ շրջանցել այս հանգրուանը: Ան նշեց նաեւ,
որ քրիստոնեաները պէտք է գիտնան, թէ իրենք աշխարհին մէջ, յատկապէս տագնապներ դիմագրաւող
Միջին Արեւելքի մէջ դերակատարութիւն մը ունին ստանձնելիք: «Քրիստոնեաները պէտք է ըլլան
սիւննի եւ շիի յարանուանութիւնները միաւորող ուժը` պահպանելով բազմազանութեան նկատմամբ
իրենց հաւատքը», ըսաւ ան: Ռայի պատրիարքը ընդգծեց բոլորին միջեւ հաշտութեան անհրաժեշտութիւնը`
շեշտելով, որ առանց հաշտութեան տօները անիմաստ եւ անարժէք կը դառնան: