Takim me historinë: Filarmonia e Vjenës, drejtpërdrejt nga Sarajeva
Më 28 qershor 1914, gjatë një atentati në Sarajevë, humbiste jetën arkiduka i Austrisë,
Franz Ferdinandi. Ishte shkëndija e hedhur mbi barut, që ndezi Luftën I Botërore.
E sot, 28 qershor 2014, në orën 18.00, drejtpërdrejt nga Sarajeva, nisën kremtimet
e njëqindvjetorit të tragjedisë së madhe, me një koncert të Filarmonisë së Vjenës. Tinguj
muzikorë, në vend të vringëllimave të armëve. Orkestra e nisi koncertin pikërisht
nga Vijecnica, pallati para të cilit u krye atentati ogurzi. Në program, veç tjerash,
Simfonia e famshme e pakryer e Franz Schubert; Kënga e fatit për kor e orkestër op
54 (me tekste të Hoelderlin) e Johannes Brahms dhe Valse e Maurice Ravel. Në podium
u ngjit edhe Franz Welser Moest. Kori ishte ai i Teatrit Kombëtar të Sarajevës.