Вучань прафесара Ратцынгера стаў кіраўніком Папскай Тэалагічнай Акадэміі
Папа Францішак 21
чэрвеня 2014 г. прызначыў новым кіраўніком Папскай Тэалагічнай Акадэміі кс. Рэала
Трэмблея з Канады, які належыць да супольнасці айцоў рэдэмптарыстаў. Святар з’яўляецца
вядомым спецыялістам з маральнай тэалогіі і належыць да “Кола вучняў Ратцынгера”.
Сваю доктарскую дысертацыя кс. Трэмбле абараніў у сярэдзіне 70-х гадоў, мінулага стагоддзя,
у Рэгенсбургу ў тагачаснага прафесара Ёзэфа Ратцынгера, пазнейшага Папы Бэнэдыкта
XVI. Яна была прысвечана св. Ірынею Ліёнскаму (135-202). На працягу шматлікіх гадоў
кс. Трэмбле быў таксама прафесарам маральнай тэалогіі на акадэміі св. Альфонса ў Рыме.
З 2009 г. з’яўляецца членам Папскай Тэалагічнай Акадэміі, якая была заснавана ў 1695
г. Мэта Акадэміі – развіваць дыялог паміж верай і розумам, якому прысвячае рэгулярныя
навуковыя канферэнцыі, у якіх прымае ўдзел больш за 40 тэолагаў з розных краін свету.
Старшыня Папскай Тэалагічнай Акадэміі абіраецца тэрмінам на пяць гадоў, які можа быць
прадоўжаны.