Ամուսնութիւնը լոկ
պղատօնական բարեկամութիւն չէ : Ամէն բանէ առաջ աւելի սեռերու յարաբերութիւն մըն է, ու
Աստուած ինքնին ստեղծած է սեռային ձգողութիւնը իբր դրդրում դէպի ամուսնութիւնը եւ իբր
միջոց հասնելու իր վախճանականութեան : Ասոր համար պէտք է որ սեռային ձգողութիւն մը կանխէ
ամուսնութիւնը, ինչ որ նախապէս բացատրեցինք երբ խօսեցանք ամուսնութեան պատրաստութեան
մասին: Շուկայի վրայ հրատարակուած են անթիւ ցուցակներ ամուսնութիւն մը կնքելու համար
անհրաժեշտ նկատուած յայտարար յատկութիւններու: Փափաք չունինք անոնց մասին բաներ մը աւելցնելու
կ՛ուզենք սակայն շեշտը դնել որոշ կէտերու մը մասին որոնք պահանջուած են կեանքի միակցութիւնը
յաջողցնելու եւ ամուսնութեան խոչընդոտները փառատելու համար: Պրիտանացի հետազոտողներ
2.000 ամուսնացեալ զոյգի մասին ուսումնասիրութեան նիւթ ըրած են, որոնց արդիւնքները կը
պարզեն, թէ ամուսնութեան ամենէն երջանիկ տարին 3-րդն է, քանի որ արդեն այդ ժամանակն է
որ զոյգերը կը սկսին հանգիստ համատեղ կեանք վարել՝ արդեն իմանալով մէկը միւսին թերութիւնները: Ինչպէս
կը նշէ The Telegraph-ը, ամուսնական կեանքի 1-ին եւ 2-րդ տարիի զոյգերը նոր կը սկսին
ճանչնալ համատեղ կեանքի նախապէս անյայտ խոչընդոտները, ինչպէս նաեւ նոր կը սկսին բացայայտուիլ
իրար հանդէպ: Բացի այդ, առաջին 2 տարուայ ընթացքին շատ յաճախ անոնց հեքիաթային պատկերացումները
ամուսնութեան վերաբերեալ կը փախին իրականութեան հետ, ինչ որ նաեւ հոգեբանական խնդիրներ
կը յառաջացնեն: Ըստ մասնագէտներու՝ ամուսնութեան 3-րդ տարիէն սկսեալ է որ կը դրուի
ապագայ ամուր ընտանեկան կեանքի հիմնաքարը : Հետազոտութեան արդիւնքները ցոյց կու տան,
որ այդ ժամանակամիջոցին է որ զոյգերը գոհ կը մնան իրենց ընտանեկան եւ ամուսնութեան կեանքէն,
քանի որ կարող կ՛ըլլան ճիշտ կիսել բոլոր հոգերն ու ծախսերը : Մինչդեռ 5-րդ տարին
ճանաչցուած է ամենադժուարը, որով ըստ մասնագէտներու՝ պայմանաւորուած է հետեւեալ գործոններով՝
աշխատանք յոգնածութիւն, երեխաներու հոգեր : Բացի այդ, յայտնի դարձած է, որ ամուսնութեան
7-րդ տարին իւրատեսակ արգելք է, որ համատեղ յաղթահարելու դէպքին մէջ զոյգի յառաջ կը բացուի
երկար ու երջանիկ ամուսնական կեանքի հեռանկարը : Մասնագիտական տուեալներու համաձայն,
շարք մը նկատառումներով ամուսնութեան լաւագոյն տարիքը 23-էն 27-ն է, երբ զոյգն ունի կենսաբանական
փորձ, ինչպէս նաեւ գիտէ դասաւորել ընկերային կեանքը : Այսօրուայ ընտանիքին ցաւալի
խոչընդոտներէն մէկն է հպարտութիւնը, եսասիրութիւնը, անհնազանդութիւնը եւ անտարբերութիւնը
: Երջանիկ ամուսնութեան մը համար եսասիրութիւնը սարսափելի պատուար մըն է: Ամուսնութեամբ
հարկաւոր է աշխատիլ եւ ապրիլ միասին կարելիին չափ ամենասերտ մտերմութեան մթնոլորտին մէջ
ու երկար ատեն : Անհրաժեշտ է ամենամեծ համերաշխութիւն շատ մը բաներու մէջ :