Հարաւային Քորէայի եկեղեցին կը հրաւիրէ հիւսիսային Քորէայի հաւատացեալները մասնակցելու
ֆրանչիսկոս Քահանայապետի առաքելական այցելութեան։
Հարաւային Քորէայի եկեղեցին հրաւէր ուղղած է հիւսիսային Քորէայի հաւատացեալներուն, մասնակցելու
համար ֆրանչիսկոս Քահանայապետի, յառաջիկայ 18 օգոստոս 2014-ին, Սէուլի մէջ մատուցանելիք
սուրբ պատարագին։ Սէուլի առաջնորդ` կարտինալ André Yeom Soo-jung, վերջերս պատմական
այցելութիւն կատարած է Հիւսիսային Քորէայ, հանդիպում ունենալու կաթողիկէ հաւատացեալներուն
հետ եւ զանոնք հրաւիրելու, մասնակցելու Սրբազան Քահանայապետի Քորէայ կատարելիք առաքելական
այցելուէթեան։Իր կեցութեան ընթացքին Կարտինալը յոյս յայտնած է որ երկու Քորէաները շարունակեն
երկխօսութիւնը ի սպաս խաղաղութեան հաստատումին։ ֆրանչիսկոս Քահանայպետը յառաջիկայ
օգոստոսին պիտի մասնակցի, Ասիայի կաթողիկէ երիտասարդութեան հաւաքին'' ։ Այս երկրորդ անգամն
է որ Քահանայապետ մը Հարաւային Քորէան կ'այցելէ Սուրբ Յովհաննէս Պօղոս Բ-էն ետք, որ
երկու անգամ այցելած է երկիրը առաջինը 1984-ին եւ երկրորդը 1989 թուականին։