Գիշերային աղօթքի հսկում ս. Պետրոս հրապարակի վրայ ֆրանչիսկոս Քահանայապետի դիտաւորութեան
''Համախմբուինք Հռոմի եպիսկոպոսին շուրջ` ընդհանրական եկեղեցւոյ համեստ ու Աստուծոյ ժողովուրդը
սիրող Հովիւին'' այս նախադասութեամբ է որ ''Ընտանեկան սէր'' կոչուած եկեղեցական շարժումը
հրաւէր ուղղած է հաւատացեալներուն մասնակցելու ուրբաթ 20 Յունիսի երեկոյեան ժամը 9-ին,
ս. Պետրոս հրապարակի վրայ կայանալիք գիշերային աղօթքի հսկումին, Ֆրանչիսկոս Քահանայապետի
դիտաւորութեան։ Աղօթքի հսկումը, որ կազմակերպուած է վերոյիշեալ ''Ընտանեկան սէր''
շարժումի ջանքերով, կը գլխաւորէ՝ Վատիկան Քաղաքի Քահանայապետի ընդհանուր տեղապահ` Կարտինալ
Անճէլօ Քոմասթրին։ Մէկ ժամ տեւող աղօթքի հսկումին ընթացքին մարեմեան ս. վարդարանը
պիտի արտասանուի ապա տեղի պիտի ունենայ ջահերով թափօր մը ` դէպի Սուրբ Պետրոսի հրապարակ
ողջունելու Ֆրանիչիսկոս Պապը։ Նշենք, թէ Ֆրանչիսկոս Քահանայապետը, սովորութիւն ունի,
հրապարակային միջամտութիւններուն ընթացքին հաւատացեալներէն խնդրել որ աղօթեն իրեն համար։