Սուրիոյ խաղաղութեան վերահաստատման համար միասնական աղօթք Սուրբ Գայեանէ վանքին մէջ։
Գարեգին Բ Ամենայն Հայոց կաթողիկոսի նախագահութեամբ եւ «ճգնաժամը Սուրիոյ մէջ. մարտահրաւէրներ
հաւատքի համայնքներու համար» թեմայով խորհրդակցութեան մասնակիցներու ներկայութեամբ, Յունիս
12-ին Սուրբ Գայեանէ վանքի մէջ տեղի պիտի ունենայ միասնական աղօթք Մերձաւոր Արեւելքի
եւ, մասնաւորապէս, Սուրիոյ խաղաղութեան վերահաստատման համար: Այս մասին կը տեղեկացնէ
Մայր Աթոռի տեղեկատուական ծառայութիւնը։