Ապպաս պատրաստակամութիւն կը յայտնէ Իսրայէլի հետ բանակցութիւնները շարունակելու։
Պաղեստինեան իշխանութեան նախագահ Մահմուտ Ապպաս յայտնեց, որ պատրաստ է պաղեստինեան պետութեան
հաստատման համար շարունակելու Իսրայէլի հետ բանակցութիւնները, որոնց առաջին երեք ամիսները
պէտք է յատկացուին սահմաններու հարցի քննարկման, ապա պէտք է քննարկուին վերջնական կարգավիճակի
մնացեալ հարցերը: Ապպաս իր ղեկավարած Ֆաթհ շարժումին խորհրդատու խորհուրդին առջեւ
արտասանած խօսքին մէջ ըսաւ, որ բանակցութեանց սեղան վերադառնալու համար պէտք է ազատ արձակուին
Օսլոյի համաձայնութենէն առաջ ձերբակալուած պաղեստինցիները, ինչպէս նաեւ Երուսաղէմի մէջ
բնակեցման աշխատանքները պէտք է դադրին: