Пантыфік зацвердзіў шэраг беатыфікацыйных дэкрэтаў
Шэраг беатыфікацыйных
дэкрэтаў зацвердзіў папа Францішак 12 чэрвеня 2014 г. падчас сустрэчы з прэфектам
Кангрэгацыі па справах Кананізацыі кардыналам Анджэла Амата. Гаворка ідзе пра прызнанне
цудаў здзейсненых праз заступніцтва французскага святара Людавіка Эдуарда Сестака,
заснавальніка Інстытута дачок Марыі і італьянскай законніцы Ірэн Стэфані з Інстытута
сясцёр місіянерак Маці Божай Суцяшэння. Таксама Пантыфік зацвердзіў дэкрэты аб прызнанні
гераічнасці цнотаў італьянскага дыяцэзіяльнага святара кс. Луіджы Саварэ, італьянскага
законніка і сузаснавальніка Кангрэгацыі св. Юзафа а. Эўджэніа Рэффа, італьянскай законніцы
Марыі Джузэпы Скандолы з кангрэгацыі Сясцёр місіянерак пабожных маці Афрыкі, англійскай
законніцы Магдалены ад Святога Сэрца, заснавальніцы манаскай кангрэгацыі Сясцёр служабнічак
Маці Божай і свецкага верніка з італьянскай Мадэны Убэрта Моры.