Бразілія: католікі перад Чэмпіянатам свету звернуць увагу на сучаснае рабства
У сталіцы Бразіліi
11 чэрвеня 2014 г. пройдзе марш пад дэвізам: “Гуляй для жыцця – паведамляй пра выпадкі
гандлю людзьмі”. Гэта ініцыятыва Касцёла ў Бразіліі прымеркавана да пачатку Чэмпіяната
свету па футболе і заклікана прыцягнуць увагу да пашырэння сексуальнай эксплуатацыі,
гандлю людзьмі і іншых форм сучаснага рабства ў цені Кубка свету. У кампанію ўключацца
ўсе 12 гарадоў, якія будуць прымаць футбольныя матчы. Галоўным арганізатарам акцыі
з’яўляецца Канферэнцыя манаскіх супольнасцяў Бразіліі пры актыўнай падтрымцы епіскапату
і асацыяцый абароны годнасці чалавечага жыцця. Яна пачнецца ў 19.00 па мясцовым часе.
У
маршы “Гуляй для жыцця” у Бразіліа прымуць удзел прадстаўнікі епіскапату, канферэнцыі
манаскіх супольнасцяў, а таксама актывісты шэрагу праваабарончых арганізацый, якія
выступаюць супраць міжнароднай арганізаванай злачыннай сеткі сучаснага рабства, што
займаецца гандлем людзьмі і чалавечымі органамі. Удзел у маршы абвясцілі таксама прадстаўнікі
нямецкай епіскапату. Будуць прысутнічаць супрацоўнікі яго дабрачыннай арганізацыі
“Adveniat”, якая сведчыць фінансавую дапамогу Касцёлу ў Лацінскай Амерыцы.
Марш
у сталіцы павінен прыцягнуць увагу ўсёй Бразіліі на балючую, прыніжальную, злачынную
і неэтычную практыку гандлю людзьмі ў розных яе формах. “Мы павінны падняць крык на
ўсю краіну, каб грамадскасць заўважыла боль, які прысутнічае ў тысячах сем’яў у Бразіліі
і ў свеце, і пастаянна ўзрастае падчас буйных мерапрыемстваў з удзелам мільёнаў людзей”,
- падкрэсліла сястра Марыя Рыбейра, старшыня Канферэнцыі манаскіх супольнасцяў Бразіліі.
Падчас маршу ўдзельнікі аддадуць пашану тысячам мужчын, жанчын, дзяцей і маладых людзей,
якія памерлі і прапалі без вестак як ахвяры гандлю людзьмі.