Կաթողիկէ եկեղեցին կը շարունակէ աճիլ ու բազմանալ Հարաւային Քուրիայի մէջ:
''Կաթողիկէները ներկայիս կը ներկայացնեն բնակչութեան 10,4 տոկոսը''։ Հարաւային
Քուրիայի կաթողիկէ եկեղեցին կը շարունակէ աճ արձանագրել։ Եպիսկոպոսական համահաւաք դասի
վերջին տուեալներու համաձայն հաւատացեալներու թիւը աճած է 1,5 տոկոսով։ Ներկայիս կաթողիկէ
հաւատացեալները կը հաշուեն շուրջ 5 միլիոն 445.000 անդամ, 49 միլիոն բնակչութեան վրայ,
որ կը համապատասխանէ 10,4 առ հարիւրի։ Կղերականներու թիւը եւս աճած է, 2013-ին ձեռնադրուած
են 117 կուսակրօն քահանաներ։ Յայտնենք որ Ֆրանչիսկոս Սրբազան Քահանայապետը յառաջիկայ
օգոստոս ամսոյն ընթացքին առաքելական ճամբորդութիւն պիտի կատարէ Հարաւային Քուրիայ, մասնակցելու
համար Ասիայի երիտասարդութեան 7-րդ հաւաքին