У Ватыкане абмяркуюць, як лепш дапамагаць бедным у Лацінскай Амерыцы
10 чэрвеня 2014 г.
у Ватыкане пачалося штогадовае пасяджэнне кіраўнічай рады фонда “Populorum progressio”.
Гэта дабрачынная структура ўваходзіць у склад Папскай рады “Cor Unum” і дзейнічае
на карысць народаў краін Лацінскай Амерыкі. Падчас пасяджэння, якое будзе працягвацца
да 14 чэрвеня 2014 г, супрацоўнікі фонда абмяркуюць праекты дапамогі індзейскім, метыскім
і афраамерыканскім супольнасцям Лацінскай Амерыкі і Карыбскага басейна, якія пражываюць,
перш за ўсё, у сялянскай мясцовасці. Сустрэча стане нагодай для абмеркавання шляхоў
рэалізацыі служэння “Касцёла беднага і для бедных”, які выконвае сваю місію на экзістэнцыяльным
узбоччы свету, працуючы на карысць самых патрабуючых, гаворыцца ў паведамоленні Папскай
рады “Cor Unum”.
Фонд “Populorum progressio” быў заснаваны ў 1992 г. па ініцыятыве
св. Яна Паўла ІІ. На сённяшні дзень ім было рэалізавана каля 4 тыс. праектаў на агульную
суму каля 35 млн. долараў. Дапамога Апостальскай Сталіцы бедным супольнасцям краін
Лацінскай Амерыкі тычылася развіцця сферы сельскай гаспадаркі і жывёлагадоўлі, рамёстваў
і малых прадпрыемстваў, інфрастуктуры і доступу да пітной вады, адукацыі, аховы здароўя
і будаўніцтва.