У Аўстрыі адзначылі кананізацыю Яна XXIII і Яна Паўла II выданнем паштовых марак
З нагоды кананізацыі
папам Францішкам двух яго папярэднікаў Яна XXIII і Яна Паўла II “Пошта Аўстрыі” выпусціла
памятны блок з трох марак, прысвечаных новым святым. Маркі, распрацаваныя Марыяй Фюлерэр,
былі прэзентаваны ў прысутнасці Апостальскага нунцыя ў краіне арцыбіскупа Пэтэра Стэфэна
Цубрыгена. Выказваючы ўдзячнасць за гэту ўнікальную ініцыятыву, ватыканскі дыпламат
падкрэсліў, што ў Аўстрыі існуе даўняя традыцыя выдання паштовых марак хрысціянінскай
тэматыкі. З моманту заснавання ў 1951 г. Аўстрыйскай асацыяцыі філатэлістаў імя св.
Габрыэля з’явілася больш за 200 “хрысціянскіх” марак.
Для арцыбіскупа Цубрыгена
маркі з’яўляюцца свайго роду “місіяй”, праз якую Касцёл і рэлігія могуць прыходзіць
да людзей, што стаяць у баку ад іх. Цікава, што нунцый сам быў калісьці заўзятым філатэлістам.
Ён паведаміў, што гэты незвычайны блок марак абавязкова перадасць папе Францішку і
ў ватыканскі Дзяржаўны сакратарыят.