Пантыфік сустрэнецца са спартсменамі з усёй Італіі
Святы Айцец сустрэнецца
7 чэрвеня 2014 г. увечары на ватыканскай плошчы з прадстаўнікамі розных відаў спорту
з усёй Італіі. Яны сабраліся ў Рыме з нагоды 70-годдзя з дня заснавання Італьянскага
спартыўнага цэнтра. У спецыяльным паведамленні, распаўсюджаным арганізацыяй, сённяшняя
падзея называецца “гістарычнай”. Плошча св. Пятра пазнае святочны каларыт, да якога
прычыняцца касцюмы, банеры і сцягі з сімволікай італьянскіх спартыўных клубаў і арганізацый,
абяцаюць арганізатары мерапрыемства. Яго галоўнымі героямі стануць прадстаўнікі ўсіх
відаў спорту, трэнеры, суддзі, арганізатары спартыўных спаборніцтваў і іх сем’і. Яны
разам са Святым Айцом дадуць сведчанне прыгажосці і багацця спартыўных каштоўнасцяў,
гаворыцца ў паведамленні, распаўсюджаным арганізатарамі. Італьянскі спартыўны цэнтр
быў заснаваны 5 студзеня 1944 па ініцыятыве руха “Каталіцкая акцыя” для развіцця праз
спорт хрысціянскага духа, які прадугледжвае маральнае, інтэлектуальнае і фізічнае
сталенне асобы.