Վերջերս, հաւատացեալ
մը ինծի կը հարցնէր, թէ ինչո՞ւ այս օրերուս՝ կորսնցուցինք մեր հաւատքը Քրիստոսի անձին,
մեր կապը եկեղեցւոյ հետ եւ մանաւանդ ինչո՞ւ կորսնցուցած ենք արժէքները քրիստոնէութեան,
արժէքը կեանքին եւ ընտանիքին սրբութեան: Ան կը ցաւէր, որ այսօրուայ երիտասարդութիւնը
հեռանալով իսկական արժէքներէն կ'ապրի պարապութեան եւ խեղճութեան մէջ: Պատասխանս եղաւ,
թէ որքան մարդս հեռանայ Եկեղեցիէն եւ իր ուսուցումներէն, այն ատէն կը ձգտի իր հաճոյքները
լրացնելու եւ ապրելու ամէն տեսակ կորուստին մէջ, իր մէջ դնելով աշխարհիս պղծութիւնները
եւ անաստուածութիւնները: Աղօթելու ենք Սաղմոսերգուինին հետ. ,Ո՜վ Աստուած, իմ մէջս
մաքուր սիրտ ստեղծէ եւ իմ ներսիդիս ուղիղ հոգի նորոգէե: Զիս երեսէդ մի ձգեր ու քու Սուրբ
հոգիդ ինծմէ մի առներե (Սաղմ. 50, 12-14): Քրիստինեան ստեղծելու է իր սրտի կեանքին
մէջ մաքուր սիրտ մը: Յիսուս մեզի միշտ կը հասկցնէ թէ որեւէ պիղծ բան մը որ դուրսէն կու
գայ մեր մէջ հաստատուելու չի կրնար մեզ պիղծ դարձնել: Հաւատքին այս հաստատութիւնը
կրնայ մեզի ներկայանալ որպէս վստահութեան աղբիւր մը, ինչպէս նաեւ ձախողութիւն նշան մը:
Հաւատքը կը շնորհէ մեզի այդ ուժը մեր ամէնօրեայ պղծութեան դէմ պայգարելու, քանի որ այսօրուայ
աշխարհը լի է պղծութեան պատկերներով, անձերով եւ նկա-րագիրներով: Հոս կը գտնենք ձախողութեան
նշանը: Արդե՞օք մեր ներսին մէջ խէթ բաղձանքներ չունինք, ծանր վէրքեր որոնք մեզի այլ
պէտքերուն կը տանի՞ն: ինչպէս Երեմեայ մարգարէն կ'ըսէր. ,Սէրը ամէն բանէ աւելի խաբեբայ
ու խիստ չար է, զանիկա ո՞վ կրնայ գիտնալ: Ես՝ Տէրս միտքը կը քննեմ, սրտերը կը փորձեմ,
որպէս զի մարդուն՝ իր ճամբաներուն համեմատ ու իր գործերուն պտուղին համեմատ հատուցում
ընեմե (Երեմեայ 17, 9-10): Առաջին աղօթքին մէջ կրնանք Աստուծմէ խնդրել որ մեզի պէտք
եղած լոյսը ցուցնէ տեսնելու մեր սրտին բարդութիւնները եւ հիւանդութիւնները: Աստուծմէ
խնդրելու ենք նաեւ որ իր երեսը չդարձնէ մեզմէ եւ մեզ հետապնդէ Սուրբ Հոգիին միջոցաւ: Երբ
մենք ճանչնանք մեր սրտին հիւանդու-թիւնները, այն ատեն մեր մեղքին ծանրութիւնը աւելի դիւրաւ
կը հասկնանք: Ամէնքս մեղաւոր ենք, ինչպէս կ'ըսէ Ֆրանչիսկոս Քահանայապետը, եւ որովհետեւ
մեղքը մեր մէջ կ'ապրի, դժբախտաբար չենք անդրադառնար այդ մեղքին հետեւանքներուն, մանաւանդ
Տիրոջ հետ մեր յարաբերութեան: Ո՜վ Յիսուս, տուր ինծի փրկութեան, ուրախութիւնը ապրելու,
թող Սուրբ Հոգին ցուցնէ ինծի մաքուր սրտի իսկական ուղղութիւնը որպէս զի կարենամ վերագտնել
եւ ճանչնալ մեղքերուս ծանրութիւնը: Զիս հաստատ պահէ հասկնալու մաքուր սրտի մեծութիւնը
որպէս զի իսկական աշակերտդ դառնամ իմ սրտէս հեռացնելով ամէն տեսակ պիղծ ոգիներ, արարքներ
եւ դիտաւորութիւններ: Զգալու եմ իմ պատասխանատուութիւնս իմ մեղքիս, երբ քեզմէ հեռու
ըլլամ, ինծի հասկցուր թէ միշտ հրաւիրուած եմ կորսուած դիրքէս ելլելու, եւ ընդունելու
քու Սէրդ եւ ողորմութիւնդ ապաշ-խարութեան խորհուրդով ուր միայն հոն կրնամ գըտ-նել իսկական
խաղաղութիւնը եւ խոնարհութիւնը իմ կեանքիս: Ամէն: Հայր Գէորգ Ծ. Վրդ. Ասատուրեան