Kardinali Parolin në Varshavë për 25 vjetorin e marrëdhënieve diplomatike
“Respektimi i plotë i të drejtës për liri fetare është garanci për paqen shoqërore
dhe kriter bazë për të vlerësuar në çfarë mase respektohen të drejtat e njeriut”.
Kështu pohoi dje, në Varshavë, Sekretari i Shtetit të Vatikanit, kardinali Pietro
Parolin, me rastin e 25 vjetorit të hapjes së marrëdhënieve diplomatike ndërmjet Polonisë
dhe Selisë së Shenjtë. “E njoh historinë e luftës suaj për liri”, pohoi kardinali
para besimtarëve të pranishëm, duke e quajtur Gjon Palin II “pajtor” të lirisë së
popullit polak. Pastaj i ftoi të gjithë t’i drejtohen Shën Gjon Palit në vështirësi,
sidomos për familjen, me sigurinë se “fjalën e fundit nuk e ka ai që shpall mbarimin
e familjes tradicionale, por Provania hyjnore, e cila i realizon planet e veta me
anë të familjes”.