Կիրակի 1 Յունիս 2014-ին, տօնախմբուեցաւ Զմմառու վանքին աւանդական Ուխտի Օրը, կազմակերպութեամբ
վանքիս Վարչական Խորհուրդին, մասնակցութեամբ Հայ Կաթողիկէ Ժողովրդապետութեանց, ինչպէս
նաեւ՝ Ս. Փրկիչ ժողովրդապետութեան Արծիւեան երգչախումբի, ղեկավարութեամբ Մաէսթրօ Տիար
Մանուէլ Սրկ. Քէշիշեանի, Ս. Մեսրոպի և Ս. Գրիգոր Լուսաւորչի Սկաուտներուն և ՀԿՄ Պատանեկան
միութեանց մասնակցութեամբ: Ուխտագնացութիւնը սկսաւ առաւօտեան ժամը 10:00-ին՝ հանդիսաւոր
թափօրով, որուն յաջորդեց Հայրապետական Սուրբ և Անմահ Պատարագ, զոր մատուցանեց Տանն Կիլիկիոյ
Կաթողիկէ Հայոց Ամենապատիւ և Գերերջանիկ Տէր Ներսէս Պետրոս ԺԹ Կաթողիկոս - Պատրիարքը:
Յետմիջօրէին՝ ժամը 3:00-ին, կատարուեցաւ Վարդարանի աղօթքը: Այս առթիւ՝ Զմմառու Պատրիարքական
Միաբանութիւնը կը մաղթէ որ Զմմառու վանքի Ցաւագին Տիրամօր օրհնութիւնը յաւիտեանս մնայ
հաւատացեալ և ուխտաւոր ժողովուրդին սրտերուն մէջ, Ս. Աստուածածնայ նուիրուած սրբազան
ուխտագնացութեան առթիւ։
-------------------- Մայիսեան ջերմեռանդութեան
փակում Մոնրէալի մէջ։ 31 Մայիս 2014-ին, Մոնրէալի «Տիրամայր Նարեկի» հայ կաթողիկէ
եկեղեցւոյ մէջ տեղի ունեցաւ Մայիսեան ջերմեռանդութեան փակման սուրբ Պատարագ, զոր մատուցեց
եկեղեցւոյ ժողովրդապետ գերյ. Գէորգ ծ.վ. Զապարեան: Յաւարտ սուրբ Պատարագին կատարուեցաւ
Աստուածամօր սրբապատկերով թափօր եկեղեցւոյ շրջակայքին մէջ հաւատացեալներու մասնակցութեամբ: