Дзяржсакратар пра малітоўную сустрэчу ізраільскага і палестынскага лідэраў
Там, дзе чалавечыя
намаганні не прынеслі плёну, неабходна звярнуцца да Бога з просьбай аб мудрасці і
сіле, каб імкнуцца да міру і ўмацоўваць узаемны давер. Так кардынал Пьетра Паралін,
Дзяржсакратар Яго Святасці Папы, ахарактарызаваў мэту малітоўнай сустрэчы паміж Прэзідэнтамі
Ізраіля і Палестыны, якая па ініцыятыве Пантыфіка пройдзе ў Ватыкане 8 чэрвеня 2014
г. У інтэрв’ю Ватыканскаму радыё пурпурат адзначыў, што Святы Айцец жадаў, каб сустрэча
паміж ізраільскім і палестынскім лідэрамі насіла менавіта малітоўны характар, таму
што, па-першае – малітва з’яўляецца сілай для дасягнення міру, а па другое – яна будзе
мець моцнае сімвалічнае значэнне.
Гаворачы пра крызіс у Сірыі, кардынал Паралін
выказаў занепакоеннасць, што ён можа стаць “забытым”. На яго думку, усе ўключаныя
ў канфлікт бакі, павінны адкінуць ідэю пра тое, што можна атрымаць перамогу з дапамогай
зброі. “Адзіны шлях – гэта шлях перамоваў”, - сказаў пурпурат і дадаў, што інакш будуць
толькі павялічвацца пакуты насельніцтва краіны.