ֆրանչիսկոս Քահանայապետը կը մասնակցի ''Սուրբ Հոգւոյն մէջ վերանարոգում'' շարժումի հաւաքին։
ֆրանչիսկոս Քահանայապետը, Կիրակի 1 Յունիսի երեկոյեան, պիտի մասնակցի ''Սուրբ Հոգւոյն
մէջ վերանարոգում'' շարժումին ազգային 37-րդ հաւաքին, որ առաջին անգամուայ համար, կը
գումարուի Հռոմի մէջ եւ տեղի պիտի ունենայ 1 եւ 2 յունիս 2014-ին Հռոմի ''Օլիմփիքօ''
մարզադաշտին մէջ։Այս առաջին անգամն է որ Քահանայապետ մը իր մասնակցութիւնը կը բերէ վերոյիշեալ
հաւաքին։ Ֆրանչիսկոս Պապը կը հանդիսանայ երկորդ Քահանայապետը որ Իտալիոյ մայրաքաղաքին
մարզադաշտը պիտի այցելէ։ Վերոյիշեալ շարժումի նախագահ` Սալվաթորէ Մարդթինէզ բաց
նամակով մը իր խոր երախտագիտութիւնը յայտնած է Սրբազան Հօր մասնակցութեան համար։ Կը նախատեսուի
նաեւ մասնակցութիւնը բազմաթիւ եկեղեցական բարձրաստիճան անձնաւորութիւններու, որոնցմէ
նշենք` Կարտինալ Անճելօ Գոմասթրին, Վատիկանի` Քահանայապետին տեղապահը, Կարտինալ Ակոսթինօ
Վալլինին, Քահանայապետի Հռոմ քաղաքին տեղապահ եւ ֆրանչիսկեան հայր Ռանիէրօ Քանթալամեսսան`
քահանայապետական տան քարոզիչը։ Վերոյիշեալ շարժումը ծնունդ առած է 1960 ական թուականներուն
միացեալ նահանգներու մէջ կէտնպաատակ ունենալով շեշտը դնել 'Սուրբ Հոգւոյ պարգեւներուն''
ու Անոր շնորհած խարիզմներուն։ Հաւաքին բնաբանն է` ''Ապաշխարեցէք. Հաւատացէք. Ընդունեցէք
Սուրբ Հոգին. Դէպի դուրս ընթացող Եկեղեցւոյ մը առաքելութեան համար''։