Papa shuguroi ipeshkëv imzot Fabio Fabene: lutu me guxim për popullin tënd, i tha
Sot pasdite, Papa Françesku kremtoi meshën për shugurimin ipeshkvnor të imzot Fabio
Fabene, zv.sekretar i Sinodit të Ipeshkvijve. Imzot Fabene bën pjesë në klerin e dioqezës
së Viterbos, por është lindur në Romë, më 12 mars 1959. Pas studimeve, u shugurua
meshtar më 26 maj 1984, ndërsa më 8 prill 2014, pra gati dy muaj më parë, u bë ipeshkëv
titullar i Acquapendentes-s. “Lutu me guxim për popullin, që të është besuar”,
i tha Ati i Shenjtë imzot Fabenes. “Kujtohu se je pjestar i kolegjit të ipeshkvijve”,
vazhdoi, duke e ftuar të bashkëpunojë me sivëllezërit, sidomos në detyrën e zv.sekretarit
të Sinodit. E më pas, duke ia besuar ipeshkvin e ri Atit të Gjithpuhstetshëm, i kërkoi
të vigjëlojë mbi grigjën. “Mos të të zerë gjumi”, përfundoi Papa Françesku.