Որոշուած է Հայոց Ցեղասպանութեան 100-ամեակի Խորհրդանիշն ու Կարգախօսը
''Հայոց ցեղասպանութեան 100-րդ տարելիցի միջոցառումներու կարգախօս պիտի ըլլայ «Յիշում
եմ և պահանջում», իսկ խորհրդանիշը` Անմոռուկ ծաղիկը'' յայտնեց ՀՀ նախագահի աշխատակազմի
ղեկավար, Հայոց Ցեղասպանութեան 100-ամեակի աշխատանքները համակարգող Վիգէն Սարգսեանը լրագրողներուն
հետ ունեցած հանդիպումին ընթացքին։ «Յատուկ ընդգծուած անհատականացուած կարգախօս է,
որպէսզի այն արտասանելիս յիշենք մեր ընտանիքների պատմութիւնը, մեր վերապրած ողբերգութեան
պատմութիւնը և այն պահանջը, որ տեսնում ենք այս համատեսքում, ներկայացնենք ամբողջ աշխարհին»,-
յայտնեց Սարգսեան: Անմոռուկ ծաղիկը բոլոր լեզուներուն մէջ ունի նոյն իմաստը` յիշել,
չմոռնալ: Խորհրդանիշ ծաղիկը ունի չորս հիմնական գոյնի բաղադրիչ` մանիշակագոյն, բաց
մանիշակագո՚յն, դեղին և սեւ: Ընտրուած գույները, ըստ Վ. Սարգսեանի, նոյնպէս խորրդանշական
են. անցեալի, ներկայի ու ապագայի խորհուրդը կը ներկայացնեն: Սեւ գոյնը կը խորհրդանշէ
Եղեռնի սարսափներն ու յիշողութիւնը ցեղասպանութեան մասին՝ անցեալ: Ներսի ճառագայթաձև
բաց մանիշակագոյնը բոլորին հոգեհարազատ գաղափարին համամասնակից ըլլալն է` ներկայ: Որպէս
խորհրդանշանի գերակշռող գոյն մանիշակագոյնը լայնօրէն տարածուած է հայկական ինքնագիտակցութեան
հիմք հանդիսացող հայ եկեղեցւոյ արարողութեանց մէջ` ապագայ: Ծաղիկի կեդրոնը դեղին գոյնով
պատկերուած է ապրելու և արարելու յոյս պարգևող արևի լոյսը` Ծիծեռնակաբերդի յուշահամալիրը
խորհրդանշող, շրջանաձև դասաւորուած 12 պատերու տեսքով` յաւերժութիւն: Ծաղիկի հինգ
թերթիկները այն հինգ ցամաքամասերն են, ուր հայ գաղթականները յայտնուեցան` ստեղծելով հայկական
գաղութնփր` ձևաւորելով հայկական Սփիւռքը: