Data e takimit të Papës me viktimat e keqpërdorimit nuk është caktuar
Drejtori i Sallës së Shtypit të Vatikanit, Atë Federico Lombardi, saktësoi njoftimin
që dha Papa Françesku në lidhje me një takim që do të ketë me viktimat e keqpërdorimit.
Të hënën, gjatë fluturimit të kthimit në Vatikan nga Toka e Shenjtë, Papa dha lajmin
se do të kremtonte meshë në Kapelën e Shën Martës me viktimat në fjalë. Atë Lombardi
sqaroi se data nuk është caktuar ende, sikurse nuk është vendosur as cilët do të jenë
pjesëmarrësit. Megjithatë pohoi se, si kremtimi, ashtu edhe mbledhja e Papës me viktimat
pritet të zhvillohen. Për përgatitjen e kësaj ngjarjeje është ngarkuar Kardinali Sean
O’Malley, të cilin para pak kohësh Papa e vuri në krye të komisionit të sapongritur
për mbrojtjen e të miturve.