400 амерыканскіх рабінаў падтрымалі намаганні Пантыфіка
Больш за 400 амерыканскіх
рабінаў падтрымалі намаганні папы Францішка па міжрэлігійным дыялогу ў Святой Зямлі.
У адкрытым лісце, апублікаваным ізраільскай газетай “Haaretz”, юдэйскае духавенства
рэфарматарскага і кансерватыўнага напрамкаў станоўча прыняло ініцыятыву Пантыфіка
па пашуку “новых шляхоў да росту ўзаемаразумення”. Такім чынам, рабіны адрэагавалі
таксама на акты вандалізму супраць хрысціянскіх месцаў у Ізраілі і яўрэйскія пратэсты
супраць папскай св. Імшы на іерусалімскім сіёнскім пагорку.
Папа Францішак
узначаліў на заканчэнне свайго візіту 26 мая 2014 г. Эўхарыстыю ў Вячэрніку, размешчаным
на гары Сіён. Ультра-артадаксальныя і нацыяналістычныя яўрэйскія групы ўспрынялі хрысціянскую
літургію як апаганьванне магілы Давіда, якая з часоў сярэднявечча знаходзіцца ў тым
жа комплексе.
Хоць некаторыя ізраільскія СМІ назвалі візіт Пантыфіка на палестынскія
тэрыторыі “чорнаяй плямай” на фоне ўсяго падарожжа і “аплявухай Ізраілю”, уплывовая
газета “Haaretz” лічыць яго “гістарычным”. У выданні падкрэсліваецца здзіўленне многіх,
якое выклікалі: запрашэнне Папы да кіраўнікоў Ізраіля і Палестыны на супольную малітоўную
сустрэчу ў Ватыкан і прыпынак ля сцяны, раздзяляючай дзве дзяржавы.