Seli e Rabinatit të Madh të Izraelit, ngrihet krah Sinagogës së Madhe të qytetit.
Është një ndërtesë imponuese, e ngritur në vitet ’60, me një strukturë që të kujton
Tempullin e Salomonit: Hechal Shlomo do të thotë pikërisht, rezidenca e Salomonit.
Ekzistojnë dy Rabinate të Mëdha në Izrael, që u përkasin bashkësisë Ashkenazi dhe
Sefardite. Qendra është seli e të dy Rabinëve të Mëdhenj të Izraelit dhe e Gjykatës
së Lartë Fetare. Në kornizën e hyrjes ndodhen peshoret e drejtësisë, ku shkruhet:
“Ata le ta gjykojnë popullin me drejtësi” (Lp 16,18). Në fasadë, shihet një “menorah”,
shandani hebraik me shtatë qirinj. Brenda qendrës ndodhet një sinagogë, ku ruhet një
Arkë e Besëlidhjes, që vjen nga Padova e Italisë, një bibliotekë, ndërsa në katin
e katërt, ndodhet “Sir Isaac and Lafy Wolfson Museum” – nga emri i filantropit, që
financoi ndërtimin e Qendrës. Në këtë muze ndodhet një koleksion me objekte të kultit
tradicional hebraik.