Падчас візіту Пантыфіка
ў Іарданію, яго будуць суправаджаць каля 30 членаў афіцыйнай дэлегацыі, у склад якой
уваходзяць, між іншым, кіраўнікі ватыканскіх дыкастэрый, якія займаюцца міжрэлігійным
і экуменічным дыялогам. На самалёце ў падарожжа са Святым Айцом адправіліся каля 70
журналістаў. Па прыбыцці у аэрапорт Амана да дэлегацыі Пантыфіка далучацца яшчэ каля
10 чалавек, сярод якіх: рабін Абрагам Скорка з Буэнас-Айрэса і шэйх Амар Ахмед Абуд,
генеральны сакратар Інстытута міжрэлігійнага дыялогу Аргентыны, добра вядомыя Папе
яшчэ з часоў яго служэння на радзіме. У Эўхарыстыі на стадыёне Амана, якую ўзначаліць
Францішак, прымуць удзел каля 30 тыс. вернікаў. Падчас літургіі першую св. Камунію
атрымаюць 1200 юнакоў і дзяўчат. Каля 520 валанцёраў будуць дапамагаць у забеспячэнні
парадку.На заканчэнне візіту ў Бэтаніі, на ўзбярэжжы ракі Іардан, адбудзецца апошняя
сустрэча з удзелам Папы на тэрыторыі Іарданіі, у якой прыме ўдзел каля 400 бежанцаў
і інвалідаў.