Хор Сікстынскай капэлы
прыме ўдзел у некалькі канцэртах, арганізаваных Маскоўскім Патрырхатам. 25-27 мая
2014 г. адбудзецца “экуменічнае” падарожжа ватыканскага вакальнага калектыву ў сталіцу
Расіі. Яго галоўнай мэтай стане супольная з Маскоўскім сінадальным хорам рэпетыцыя
літургічных спеваў, якія абодва калектывы выканаюць падчас св. Імшы ва ўрачыстасць
святых апосталаў Пятра і Паўла ў Ватыкане. Гэту літургію 29 чэрвеня 2014 г. узначаліць
папа Францішак.
У першы дзень прабывання ў Маскве хор Сікстынскай капэлы выступіць
у архікатэдральным касцёле Беззаганнага Зачацця Найсвяцейшай Панны Марыі. Раніцай
26 мая 2014 г. адбудзецца сумесная рэпетыцыя каталіцкага і праваслаўнага калектываў,
а вечарам яны дадуць канцэрт сакральнай праваслаўнай і каталіцкай музыкі ў Аружэйнай
палаце Маскоўскага Крамля. 27 мая у Вялікай Залі Маскоўскай кансерваторыі імя П. І.
Чайкоўскага ватыканскі хор прыме ўдзел у канцэрце духоўнай музыкі з нагоды пятай гадавіны
абрання Патрыярха Кірыла кіраўніком Рускай Праваслаўнай Царквы.
Маскоўскі Сінадальны
хор, у сваю чаргу, здзейсніць візіт у Ватыкан 28-29 чэрвеня 2014. Гэты калектыў з’яўляецца
адным з самых старажытных прафесійных хораў Расіі. Ён быў заснаваны ў 1721 г. і дзейнічаў
да 1919 г. Адраджэнне калектыва адбылося ў 2009 г. па ініцыятые Патрыярха Маскоўскага
і усяе Русі Кірыла.