Kardinali Tarçizio Bertone, ish- Sekretar i Shtetit të Vatikanit, është këto ditë
në shënjestër të shtypit botëror për një problem transferimi fondesh të IOR-it (Instituti
për Veprat Fetare), autorizuar prej tij. Nuk vonoi deklarata e drejtorit të Sallës
së Shtypit të Selisë së Shenjtë, atë Federiko Lombardi: “Përsa u përket lajmeve, që
qarkullojnë këto orë, deklaroj se nuk ka asnjë hetim me karakter penal ndaj kardinalit
Tarçizio Bertone, nga ana e magjistraturës vatikanase”. Gazeta gjermane “Bild” ka
shkruar se kardinali po hetohet për shpërdorime.