Papa priti mbretin e Bahreinit: impenjim për paqen në Lindjen e Mesme
Papa Françesku priti sot paradite, mbretin e Bahreinit, Hamad bin Isa Al Khalifa.
Gjatë bisedës, njofton nota e Sallës së Shtypit të Vatikanit, “u fol për disa tema
me interes të përbashkët, duke iu referuar veçanërisht impenjimit në favor të paqes
dhe të qëndrueshmërisë në Lindjen e Mesme”. Iu kushtua rëndësi promovimit të dialogut
dhe të bashkëjetesës paqësore ndërmjet gjithë protagonistëve të shoqërisë. Së fundi,
u vu në dukje kontributi pozitiv i pakicës së krishterë, që jeton në Bahrein. Papa
vlerësoi interesimin personal të mbretit për nevojat e bashkësisë katolike vendase.