T’i çojë mesazhin e pajtimit e të mëshirës popullit sudanez: ishte ky misioni që
kardinali Pietro Parolin, sekretar i Shtetit të Vatikanit, ia besoi imzot Hubertus
Mathrues Maria van Megen, emëruar, më 9 mars, nga Papa Françesku, nunc apostolik në
vendin afrikan, pas shugurimit ipeshkvnor, të shtunën e kaluar, në katedralen e Shën
Kristoforit, në Roermind të Holandës.“Për ushtrimin e misionit tënd ipeshkvnor, kujtoi
kardinali Parolin, duke iu drejtuar prelatit, dërgohesh si përfaqësues i Atit të
Shenjtë në Sudan, komb shumë pranë zemrës së Papës, vend i vuajtur, i rrënuar nga
dhuna e trazirat civile. E, shtoi, në bashkim me ipeshkvijtë e këtij vendi, je i thirrur
ta shpallësh, me fjalë e me shembull, Ungjillin, mesazh pajtimi, faljeje e mëshire.
Në mënyrë të posaçme, nënvizoi, je i thirrur ta mbështesësh bashkësinë e krishterë
në Sudan, grigjë e vogël, por tejet e dashur për Zotin, duke e përforcuar në fe e
në besnikëri ndaj urdhërimit të madh: “Duaje Zotin e të afërmin!”.