Հռոմի համալսարանը եւ լատերանեան քահանայապետական համալսարանը միատեղ գիտաժողով կը կազմակերպեն`
''Եկեղեցի եւ քաղաքական հասարակութիւն'' նիւթին մասին։
Հռոմի թեմի տեղապահ` կարտինալ Վալլնիի քահանայութեան 50-րդ տարեդարձին եւ անոր եպիսկոպոսական
25-րդ տարեդարձին առթիւ Հռոմի Սափիենցա համալսարանը եւ լատերանեան քահանայապետական համալսարանը
միատեղ գիտաժողով կը կազմակերպեն, 16-17 մայիս 2014-ին, ''Եկեղեցի եւ քաղաքական հասարակութիւն`
Վատիկանեան Բ տիեզերական ժողովի 50-րդ տարեդարձը'' նիւթին մասին։ Լատերանեան համալսարանը
նաեւ կը մեծարէ Կարտինալ Վալլինի հրապարակելով անոր կանոնական յօդուածները ''Իրաւաբանութեան
ճշմարտութիւնն ու մեթոտը'' վերտառութեամբ։ Վատիկանի եւ Հռոմի Պետական համալսարաններէն
հովանաւորուած գիտաժողովը պիտի ունենայ երեք նիստեր նուիրուած` ''Եկեղեցի եւ քաղաքական
հասարակութիւն'', ''Եկեղեցի եւ միջազգային հասարակութիւն'' եւ ''կրօնական ազատութիւնը''
նիւթերու մասին։