Papa u lut për minatorët në Turqi; për emigrantët e vdekur në Mesdhe, theksoi me keqardhje
të thellë: “ploje të turpshme!”.
Në përfundim të audiencës së përgjithshme, Papa kujtoi dy ngjarje tragjike: aksidentin
në një minierë të Turqisë dhe fundosjen e një anijeje, ngarkuar me njerëz të dëshpëruar,
në kërkim të një jete tjetër, në bregun tjetër. Ja si u shpreh Papa:“Të dashur vëllezër,
ju ftoj të luteni për minatorët, që vdiqën dje në minierën e Somës, në Turqi, e për
të gjithë ata, që mbeten ende të ngujuar ndër galeritë. Zoti i pranoftë të vdekurit
në shtëpinë e Tij e u dhëntë forcë familjarëve”.
E në vijim, Papa kërkoi
jo vetëm lutje, por edhe përpjekje konkrete që të mbrohet kudo e kurdoherë më e çmuara
nga të gjitha të drejtat e njeriut: ajo për të jetuar: “Të lutemi edhe për
njerëzit, që këto ditë humbën jetën në Detin Mesdhe. Të vihen në plan të parë të drejtat
e njeriut, të lutemi për këtë; të vihen në plan të parë të drejtat e njeriut e të
bashkohen forcat për t’i parandaluar këto ploja të turpshme”.