У Ватыкане пацвердзілі факт сустрэчы Папы і кіраўніка лефебрыстаў
Кс. Фэдэрыка Ламбардзі
пацвердзіў журналістам, што паміж папам Францішкам і біскупам Бернарам Фэле, настаяцелем
Брацтва св. Пія Х, адбылася кароткая неафіцыйная сустрэча. Яна мела месца13 снежня
2013 г. у ватыканскім Доме св. Марты. Біскуп Фэле і яго супрацоўнікі былі запрошаны
сюды на абед сакратаром Камісіі “Ecclesia Dei” арцыбіскупам Гвіда Поца. Пасля пасілку,
на выхадзе са сталовай, іерарх прадставіў Пантыфіку, які тут абедаў, кіраўніка лефебрыстаў
і яны абмяняліся некалькімі словамі. Папа адзначыў, што яму прыемна пазнаёміцца і
прасіў маліцца за яго. Сустрэча трывала некалькі секунд. Біскуп Фэле і яго асістэнты
прыбылі ў Рым для сустрэчы з членамі Камісіі “Ecclesia Dei”, якая займаецца дактрынальнымі
пытаннямі і адносінамі з лефебрыстамі.