Քահանայապետական միջկրօնային երկխօսութեան խորհուրդի նախագահ՝ Կարտինալ Ժան Լուի Թոռան,
ընկերակցութեամբ խորհուրդի քարտուղար՝ Հայր Միկէլ Անճէլ Այուսօ Կուիքսօյի եւ մահմետական
կրօնի գրասենեակի պատասխասնատու՝ գերապայծառ Խալէտ Աքաշէի, 12 – 14 Մայիս, կը մեկնին
Յորդանան, մասնակցելու Ամմանի մէջ գտնուող ''Փէթրա'' կոչուած համալսարանի մէջ կազմակերպուած
գիտաժողովի մը , որ ունի որպէս նիւթ ''կրօն ու բռնութիւն'' եւ որուն կէտնպատակն է սատարել
միջկրօնական երկխօսութեան զարգացումին։ Գիտաժողովը կազմակերպուած է Ամմանի մէջ Իտալիոյ
դեսպանատան եւ միջ-համայնքային ուսմունքի հաստատութեան ինչպէս նաեւ Եւրոպայի Միութեան
Յորդանանի պատուիրակութեան միացեալ ջանքերով։ Գիտաժողովը ստորաբաժանուած է երկու մասի`
պատմական եւ կրօնական։ Կարտինալ Ժան Լուի Թոռան ելոյթ կ'ունենայ կրօնական նիստի ընթացքին։
Յաջորդաբար, 13-էն 14 մայիս, Քահանայապետական միջկրօնական երկխօսութեան ներկայացուցիչները
եւ Ամմանի միջ-համանքային ուսմունքի հաստատութիւնը կը մասնակցին՝ համատեղ կազմակերպուած,
միջ-կրօնական բնոյթ ունեցող զրոյցի մը ՝ որուն բացումը պիտի կատարէ Յորդանանի Իշխան`
Էլ Հասան Պին Թալալ եւ Քահանայապետական խորհուրդհի նախագահ Կարտինալ Թոռանը։